Etidye sou entènèt vini yon pratik ki popilè plis chak jou, men nan moman pandemi Covid-19 la anpil moun deside kontinye etid yo sou entènèt. Men ki avantaj ki genyen lè yon moun deside etidye sou entènèt nan yon peyi tankou Ayiti:
-
Etidye nenpòt lè
Youn nan difikilte aprantisaj tradisyonèl la genyen pou moun ki pa gen twòp tan, oubyen ki toujou ap depalse se paske se enstitisyon an ki enpoze ou orè travay yo. Etidye sou entènèt parèt pi fleksib, paske ou ka edidye nenpòt lè. Ou kapab avanse ak rit ou san’w pa gen twò gwo presyon sou do’w, eksperyans sa se yon mwayen efikas pou aprantisaj.
-
Etidye nenpòt kote
Majorite moun ou poze kesyon poukisa yo chwazi pratik sa, se youn nan premye repons yo ba ou : mw etidye kote mw vle, mw gen aksè rete pou kont mw san pèsonn pa deranje’m, men sitou mw pa oblije deplase kite travay mw oubyen kay mw.
Etidye sou entènèt se yon opòtinite pou’w etidye kote ou vle ak nan peyi ou vle.
-
Rankontre lòt moun ak lòt kilti
Lè w’ap pran yon kou sou entènèt oubyen ou nan yon inivèsite, ou jwenn opòtinite pou’w reyaji ak lòt etidyan ki gen lòt kilti oubyen nan lòt peyi. Souvan fwa ou jwenn pwopozisyon pou’w prezante kilti ou ak lòt nasyon e menm dekouvri lòt opòtinite. Yon bagay klas tradisyonèl yo pa toujou ofri’w.
-
Etidye nan yon lekòl ki akredite sou mache entènasyonal la
Anpil ayisyen toujou ap plenyen lè yo vwayaje diplòm yo depanse gwo lajan pou li a, sakrifye yon pati nan vi yo pou li a pa gen twòp valè. Se youn nan pwoblèm etidye sou entènèt rezoud, li pèmèt ou etidye nan anpil gwo inivèsite nan lòt pèyi san ou pa bezwen deplase.
Ayiti pa gen twòp inivèsite ki ofri pwogram metriz ak akreditasyon entènasyonal, anpil platfòm inivèsitè ouvri pòt pou imigran oubyen moun ki nan lòt peyi kontinye ak pwogram etid avanse yo san deplase.
-
Ekonomize lajan
Yon lòt gwo avantaj, lè w’ap etidye sou entènèt etid la koute ou mwens kòb. Gen yon bann lajan ou ta pral peye ki pa aplike pou ou, tankou tout lajan ki lye ak depans Campus la. Anplis gen anpil inivèsite ki nan gwo peyi ki bay bous etid chak ane pou etidyan ki nan lòt peyi kapap benefisye de yon edikasyon ki konpetitif.
-
Bonis- UoPeople
UoPeople ( University of the People) se yon inivèsite ki twouve li nan peyi etazini. Se youn nan premye inivèsite nan mond lan ki pa gen objektif fè lajan e ki ap fonksyone 100 % sou entènèt. Pou kounya UoPeople ofri 3 disiplin : Sante, edikasyon ak teknoloji nan yon pri ki abòdab e gen posibilite pou’w jwenn bous. Jwenn plis enfòmasyon nan lyen sa: UoPeople.
Lire aussi : Une solution numérique pour résourdre les casse-têtes des écoles haïtiennes!